近日發生懷疑虐待兒童事件，唔少人都覺得相當心痛，亦令大家熱議到底可以點樣支援一啲可能出現問題嘅家庭。香港兒童基金會早前舉行成立典禮暨就職晚宴，第五個小朋友即將出世嘅主席徐飛話，大部分嘅家庭問題都係來自家長，希望成立家長義工隊幫下手，身兼香港單親協會總幹事嘅名譽顧問余秀珠就認為政府應該重開單親中心，針對解決問題喎！聽落真係好多諗頭去幫手！
徐飛話好多小朋友嘅家庭問題，通常係部分家長本身有問題，希望成立家長義工隊，支援家長嘅問題，佢又提起自己出身基層，覺得基層小朋友同中產嘅機會係好唔平等，跨代貧窮唔應該影響小朋友嘅起跑線，所以希望成立基金會，搞畫展、馬拉松等活動，培育多啲小朋友，盡力拉近不同背景小朋友嘅距離。
跨代貧窮唔應該影響小朋友嘅起跑線，所以希望成立基金會，搞畫展、馬拉松等活動，培育多啲小朋友，盡力拉近不同背景小朋友嘅距離。
單親家庭面對嘅壓力好大，同樣亦好需要支援。余秀珠話政府曾開設多間單親中心，後來就將呢啲單親中心全部關閉，稱開設綜合家庭服務中心可以做晒，點知呢類中心乜嘢都做，根本未能針對單親家庭嘅需要。佢認為單親人士需要託兒服務同培訓等，才能無後顧之憂咁返工，咁就較易融入社會，如果唔早啲幫有問題嘅家庭，小朋友好易誤入歧途。
當晚亦有運動員出席活動，唔少政商界人士都忍唔住走埋去合照，包括立法會議員田北辰都乘機同「女飛魚」歐鎧淳及「三鐵公主」許煒森影番張相，唔通係見到佢哋唔係平時嘅運動Look，而係着咗晚裝出席，覺得特別眼前一亮？田北辰就話，唔係見到靚女先衝埋去，自己係「小粉絲」喎！原來許煒森係基金會嘅助理秘書長，冇做運動員後，都試過唔同嘅工作，又做一個體育基金嘅義工，依家做助理秘書長同樣係想幫一啲基層小朋友。聽落真係有愛心嘞！
卓妮
Комментарии